Brasilíska ungstirnið Vinicius Junior hefur trú á því að Real Madrid komist upp úr riðlakeppni Meistaradeildarinnar þrátt fyrir slæma byrjun.
Real tapaði 3-0 fyrir PSG í fyrstu umferð og gerði svo 2-2 jafntefli á heimavelli gegn Club Brugge fyrr í kvöld. Vinicius spilaði síðustu 24 mínúturnar og fór í viðtal að leikslokum.
„Við vorum ömurlegir í fyrri hálfleik en brugðumst vel við og stjórnuðum síðari hálfleiknum," sagði Vinicius, en Real var 0-2 undir í leikhlé.
„Við lærum af þessu, við verðum að bæta einbeitinguna okkar. Það er mikið af leikjum eftir og ég er viss um að við munum snúa aftur á sigurbraut og komast upp úr riðlinum.
„Gengi okkar í La Liga sýnir að við erum á réttri leið. Við gætum þess vegna unnið alla fjóra leikina sem við eigum eftir í riðlinum."
Athugasemdir