Sóknarmaðurinn Kjartan Henry Finnbogason hefur verið utan hóps hjá danska félaginu Vejle síðustu tvo leiki.
Eftir að hafa byrjað á bekknum í fyrstu umferð sagðist Kjartan vera hissa og svekktur.
Eftir að hafa byrjað á bekknum í fyrstu umferð sagðist Kjartan vera hissa og svekktur.
„Ég var mjög hissa (að byrja á bekknum). Eigandi okkar keypti nýja leikmenn til liðsins og það þarf að leyfa þeim að sýna sig. Svo þarf ég að sýna að ég hef þetta ennþá. En þetta snýst ekki um mig, Trúi ég á sjálfan mig? Já, ég hef alltaf gert það. Ég er orðinn eldri en ég er ennþá í formi og til í slaginn. Ég var markahæsti leikmaðurinn í fyrra og ég á skilið meiri trú á mér," sagði Kjartan.
Danskir fjölmiðlar gerðu nokkuð mikið úr ummælunum og segir sagan að æðstu menn Vejle hafi ekki verið sáttir.
Orri Rafn Sigurðarson, lýsandi hjá ViaPlay, segir að Kjartan Henry, sem er 34 ára, gæti yfirgefið Vejle ef staðan breytist ekki. Sagt er að KR hafi áhuga á að fá hann heim. Kjartan lék síðast fyrir KR 2014.
Kjartan skoraði 17 mörk í 30 leikjum í dönsku B-deildinni í fyrra og hjálpaði Vejle að komast upp í efstu deild.
Mine Kilder siger det Kjartan Henry Finnbogason forlader Vejle, hvis intet ændrer sig mellem ham og klubben. Hans gamle klub på Island (KR) er interesseret i at få ham hjem, men det er også interesse i Finnbogason fra andre hold i Danmark #sldk #transferdk https://t.co/yoNaEHzT05
— Orri Rafn Sigurdarson (@OrriRafn) October 1, 2020
Athugasemdir