Ítalía: Mourinho í stúkunni er Roma lagði Inter - Milan skoraði tvö mörk í uppbótartíma

Paulo Dybala skoraði fyrir Roma

Mynd: EPA

Rafael Leao var eins og oft áður, magnaður

Mynd: EPA

Paulo Dybala skoraði fyrir Roma

Mynd: EPA

Ítalska meistaraliðið AC Milan vann dramatískan 3-1 sigur á Empoli í Seríu A í dag, en þrjú mörk komu undir lok leiksins. Drengirnir hans Jose Mourinho í Roma unnu þá Inter, 2-1.

Rafael Leao skapaði sér tvö góð færi í fyrri hálfleiknum milli Milan og Empoli en þegar flautað var til loka fyrri hálfleiks var staðan enn markalaus.

Liðin héldu áfram að skapa sér færi í þeim síðari en fyrsta markið kom ekki fyrr en á 79. mínútu. Ante Rebic gerði það eftir sendingu frá Leao. Þrjú mörk voru síðan skoruð undir lok leiks.

Nedim Bajrami jafnaði metin á annarri mínútu í uppbótartíma en Fode Ballo-Toure kom Milan aftur yfir tæpur tveimur mínútum síðar áður en Leao gerði út um leikinn á sjöundu mínútu í uppbótartímanum. Dramatískur sigur hjá meisturunum sem eru í 3. sæti með 17 stig.

Andre Zambo Anguissa skoraði tvívegis er Napoli vann Torino, 3-1 og þá gerði Kvicha Kvaratskhelia (Kvaradona) þriðja mark liðsins, en Napoli er á toppnum með 20 stig.

Jose Mourinho, þjálfari Roma, var í banni er lið hans vann Inter, 2-1. Ítalski vinstri bakvörðurinn Federico Dimarco kom Inter yfir á 30. mínútu en Paulo Dybala jafnaði níu mínútum síðar. Það var svo enski varnarmaðurinn Chris Smalling sem tryggði Roma öll stigin þegar fimmtán mínútur voru eftir. Roma er í 5. sæti með 16 stig en Inter í 7. sæti með 12 stig.

Úrslit og markaskorarar:

Empoli 1 - 3 Milan
0-1 Ante Rebic ('79 )
1-1 Nedim Bajrami ('90 )
1-2 Fode Toure ('90 )
1-3 Rafael Leao ('90 )

Inter 1 - 2 Roma
1-0 Federico Dimarco ('30 )
1-1 Paulo Dybala ('39 )
1-2 Chris Smalling ('75 )

Napoli 3 - 1 Torino
1-0 Andre Zambo Anguissa ('6 )
2-0 Andre Zambo Anguissa ('12 )
3-0 Khvicha Kvaratskhelia ('37 )
3-1 Antonio Sanabria ('44 )

Rafael Leao var eins og oft áður, magnaður

Mynd: EPA

Stöðutafla

#	Lið	L	mun	Stig
1	Roma	2	+8	6
2	Inter	2	+4	6
3	Milan	2	+3	6
4	Juventus	2	+3	6
5	Atalanta	2	+2	6
6	Lazio	2	+2	6
7	Udinese	2	+1	4
8	Como	2	+1	4
9	Frosinone	2	+2	3
10	Napoli	2	+1	3
11	Sassuolo	2	0	3
12	Cagliari	2	0	3
13	Lecce	2	-2	3
14	Torino	2	-2	0
15	Bologna	2	-2	0
16	Genoa	2	-3	0
17	Parma	2	-3	0
18	Monza	2	-4	0
19	Venezia	2	-4	0
20	Fiorentina	2	-7	0