Mun fleiri Víkingar búnir að kaupa miða en FH-ingar
Haraldur fagnar bikarmeistaratitlinum árið 2019 en þá vann Víkingur FH.
Mynd: Fótbolti.net - Hafliði Breiðfjörð
Haraldur fagnar bikarmeistaratitlinum árið 2019 en þá vann Víkingur FH.
Mynd: Fótbolti.net - Hafliði Breiðfjörð
Úrslitaleikur Mjólkurbikars karla fer fram á Laugardalsvelli klukkan 16:00 í dag en þar mætast FH og Víkingur þetta árið.
Haraldur Haraldsson framkvæmdastjóri Víkings greindi frá því á Twitter að þegar sé búið að selja 4400 miða á leikinn.
Þar af hafa stuðningsmenn Víkings keypt 2700 miða en stuðningsmenn FH 1700.
Hann segir að engin miðasala verði á vellinum heldur verði allir miðar seldir á miðasöluvefnum Tix. Smelltu hér til að fara í miðasöluna
Haraldur segir einnig að Víkingar kaupi þrefalt fleiri miða en almennt á leiki liðsins í sumar en FH-ingar álíka mikið og gefur í skyn að eitthvað sé gruggugt við það enda bætir hann við aftan á færslu sína myllumerkinu „Verum honest" sem gæti verið þýtt sem „Verum heiðarleg". Hann útskýrir það þó ekki frekar.
Leikdagur - 4400 miðar seldir. Víkingur 2700 - FH 1700. Miðar EKKI seldir á vellinum. Einungis á TIX. Upphitun í Safamýri í allan dag. Threepeat? Koma svo …. #fotboltinet
— Haraldur Haraldsson (@HarHaralds) October 1, 2022
— Haraldur Haraldsson (@HarHaralds) October 1, 2022
