Jamie Carragher ræddi um næstu skref Rodgers sem knattspyrnustjóra. Carragher sem lagði skóna á hilluna árið 2013 spilaði í eitt ár undir stjórn Norður-Írans hjá Liverpool.

„Ég sé ekki fyrir mér að hann taki aftur við Liverpool, hann mun allavega aldrei taka við Man Utd vegna þess að hann var að þjálfa Liverpool."

„Ég get séð hann fyrir mér hjá Arsenal eða Chelsea eftir nokkur ár, hann hefur tengingu við Chelsea þar sem hann starfaði við þjálfun í akademíunni. Þetta eru félögin tvö sem mér finnst líklegt að hann gæti endað, kannski tekur hann bara við landsliði," sagði Jamie Carragher um Brendan Rodgers.