Giggs segir að leikskipulagið hafi að miklum hluta snúist um að koma knettinum til Ronaldo með einum eða öðrum hætti, því hann var óviðráðanlegur á hægri kantinum.

„Þetta snerist mikið um að koma knettinum til Cristiano sem fyrst útaf því að hann gat skaðað andstæðingana," sagði Giggs og útskýrði einnig myndrænt eins og er hægt að sjá hér fyrir neðan.

„Hann var svo kröftugur og snöggur að hann gat gert það sem hann vildi. Hann var algjör martröð fyrir bakverðina sem mættu honum.

„Það var oft ég sem kom boltanum á Cristiano en stundum kom ég boltanum á Wayne (Rooney) og hann svo á Cristiano. Stundum kom ég boltanum á Michael (Carrick) og hann svo á Cristiano."