Hann skoraði sitt fyrsta mark fyrir félagið í 5-0 sigri gegn Leganes í vikunni og tileinkaði syni sínum.

„Það var mikill léttir að skora þetta mark. Þetta hefur verið mjög erfiður tími fyrir mig og ferilinn minn en ég hef fundið fyrir miklum stuðningi frá vinum, fjölskyldu, liðsfélögum og þjálfaranum," sagði Jovic.

„Stuðningsmenn hafa verið mjög óvægnir og það er ekki auðvelt að lesa allt það slæma sem hefur verið skrifað um mann. Vonandi byrja stuðningsmennirnir að hafa meiri trú á mér. Þetta er byrjun, nú þarf ég að halda áfram að skora til að hjálpa Madrid."

Jovic verður 22 ára í desember og segist njóta sín hjá Real Madrid þrátt fyrir erfiða byrjun á tímabilinu.