Frank Lampard og lærisveinar hans í Chelsea féllu út úr deildabikarnum á miðvikudaginn þegar Manchester United hafði betur á Brúnni, 1-2.
Lampard viðurkennir að deildabikarinn var ekki efstur á lista Chelsea yfir titla sem þeir ætluðu að leggja allt í sölurnar til að vinna. Meistaradeildin er þar ofar á blaði þar sem Chelsea er í ágætis málum.
„Það hefur gengið vel undanfarið. Við höfum hins vegar átt erfiða leiki í Meistaradeildinni en þar er stefnan að komast upp úr riðlinum. Í deildinni erum við í mjög góðum málum."
„Þessar keppnir skipta okkur mestu máli en auðvitað viljum við alltaf vinna leiki og gera okkur besta," sagði Lampard.
Lampard fer með sína menn í heimsókn til botnliðs Watford annað kvöld.
Athugasemdir