Mörkin og myndir: Ósvikin gleði magnaðra Marokkómanna

Marokkó vann F-riðilinn á HM og leikmenn liðsins fögnuðu ákaft eftir 2-1 sigur gegn Kanada í dag. Magnað afrek hjá Marokkómönnum að vinna riðil sem innihélt Króatíu og Belgíu, lið sem komust í undanúrslit HM 2018.

Þetta er í fyrsta sinn síðan 1986 sem Marokkó kemst í útsláttarkeppni HM. Skiljanlega var fögnuður manna innilegur eftir að flautað var til leiksloka.