Siggi Höskulds spáir í Kanada - Marokkó

Klukkan 15:00 í dag er spilað í F-riðli, lokaumferð riðilsins fer fram og líkt og í hinum riðlunum fara báðir leikirnir fram á sama tíma. Króatía mætir Belgíu og Kanada mætir Marokkó.

Kanada er eina liðið sem á ekki möguleika á því að fara áfram. Króatía og Marokkó eru með fjögur stig eftir tvo leiki og Belgía er með þrjú stig.

Marokkó dugir jafntefli til þess að komast í 16-liða úrslitin og má tapa með tveimur mörkum ef Króatía gerir jafntefli við Belgíu.

Sigurður Heiðar Höskuldsson, aðstoðarþjálfari Vals, spáir í leikinn.