Real Madrid tók forystuna er Jude Bellingham skoraði úr vítaspyrnu eftir að Allan Nyom reif Antonio Rüdiger niður í teignum.

Bellingham tók skondið upphlaup að vítapunktinum og lék þannig á markvörð Getafe áður en hann lagði boltann í netið.

Englendingurinn átti síðan stórkostlega sendingu inn fyrir á Mbappe sem skoraði með laglegu skoti fyrir utan teig, alveg upp við stöng og inn. Frakkinn að skora annan deildarleikinn í röð.

Getafe átti tvö skot í tréverkið í síðari hálfleiknum á meðan Mbappe fékk tvö dauðafæri til að skora. Í fyrra skiptið komst hann einn á móti marki, fór framhjá markverðinum, en setti skot sitt framhjá og í seinna skiptið varði markvörðurinn frá honum í einn á einn stöðu.

Kaflaskipt frammistaða hjá Mbappe sem hefur fengið mikla gagnrýni á fyrsta tímabili sínu með Real Madrid. Hann hefur samt sem áður gert átta mörk í deildinni og er þriðji markahæsti maður deildarinnar, ásamt nokkrum öðrum.

Oihan Sancet skoraði bæði mörk Athletic í 2-1 sigri liðsins á Rayo Vallecano og þá unnu nágrannar þeirra í Real Sociedad 2-0 sigur á Real Betis. Orri Steinn Óskarsson var ekki með Sociedad vegna meiðsla.

Rayo Vallecano 1 - 2 Athletic
1-0 Randy Nteka ('14 )
1-1 Oihan Sancet ('65 )
1-2 Oihan Sancet ('78 )

Real Sociedad 2 - 0 Betis
1-0 Diego Llorente ('14 , sjálfsmark)
2-0 Mikel Oyarzabal ('31 , víti)

Real Madrid 2 - 0 Getafe
1-0 Jude Bellingham ('30 , víti)
2-0 Kylian Mbappe ('38 )

Villarreal 2 - 2 Girona
1-0 Thierno Barry ('23 )
2-0 Alex Baena ('46 )
2-1 Donny van de Beek ('66 )
2-2 Ladislav Krejci ('90 )