Sabitzer var sóttur vegna meiðsla Christian Eriksen sem snýr aftur í fyrsta lagi í apríl.

Sabitzer er 28 ára Austurríkismaður sem kom til Bayern frá RB Leipzig sumarið 2021. Hann á að baki 68 landsleiki. Á þessu tímabili hefur hann skorað eitt mark í 24 leikjum í öllum keppnum með Bayern. Hann getur leyst margar stöður á vellinum en hefur oftast spilað á miðri miðjunni.

Man Utd hefur núna opinberað fyrstu myndirnar af honum í treyju félagsins og þá er hann kominn með treyjunúmer.

Sabitzer verður númer 15 en Nemanja Vidic er líklega besti leikmaðurinn sem hefur verið með þetta númer hjá félaginu.