Ziyech var sjálfur mættur til París og var spenntur fyrir því að fara í nýtt félag. Chelsea sendi hins vegar ekki rétt skjöl fyrr en glugganum var lokað og því er hann enn leikmaður Lundúnafélagsins.

Það er ekki búist við því að Ziyech verði í stóru hlutverki hjá Chelsea seinni hluta tímabilsins og hann vill ólmur komast hjá félaginu.

Ítalski fréttamaðurinn Nicolo Schira segir að tyrkneska félagið Besiktas sé að skoða það að bjarga honum, en launakröfur hans gætu flækt málin. Félagaskiptaglugginn í Tyrklandi er áfram opinn og því geta leikmenn enn farið þangað.