Miðjumaðurinn Houssem Aouar var orðaður við Manchester United á lokadegi félagaskiptagluggans.
Aouar er 24 ára gamall miðjumaður en samningur hans við Lyon í Frakklandi rennur út eftir leiktíðina.
Man Utd endaði á því að fá Marcel Sabitzer á láni frá Bayern München en samkvæmt heimildum Goal þá er Aouar núna búinn að samþykkja samning hjá öðru félagi.
Hann er búinn að gera samning við Real Betis á Spáni og mun fara þangað eftir leiktíðina. Þar hittir hann fyrrum liðsfélaga sinn, Nabil Fekir.
Inter og Sevilla ræddu einnig við hann en hann taldi það best að fara til Betis.
Athugasemdir