Það eru nokkrar árangurstengdar bónusgreiðslur í kaupsamningnum og hljóðar ein þeirra upp á 20 milljónir evra, hún virkjast þegar Coutinho spilar 100 leiki fyrir félagið. Hann hefur spilað 76 leiki fyrir Barca og á því aðeins 24 eftir.

Coutinho virðist þó ekki eiga framtíð fyrir sér hjá Barca en það gæti reynst erfitt fyrir félagið að losa sig við brasilísku stjörnuna. Launakröfur hans eru fráhrindandi fyrir önnur félög og þá vilja Börsungar ekki tapa of miklu á því að selja hann.

Hann hefur verið að láni hjá FC Bayern á leiktíðinni en ólíklegt að Bæjarar hafi áhuga á að ganga frá kaupunum, þó Coutinho hafi staðið sig með sóma.

Coutinho er 27 ára gamall og hefur skorað 17 mörk í 61 A-landsleik með Brasilíu.