Hörður Ísafirði var að vinna ótrúlegan sigur á Hvíta riddaranum í 4. deildinni rétt í þessu.

Mosfellingar fóru vel af stað og gerðu fjögur mörk á fyrsta hálftímanum, Eiríkur Þór Bjarkason gerði þrjú þeirra.

Hjalti Hermann Gíslason minnkaði muninn fyrir leikhlé og voru gestirnir því 4-2 yfir. Hjalti var aftur á ferðinni eftir leikhlé og minnkaði muninn niður í eitt mark en Gunnar Már Magnússon virtist gera út um leikinn með marki úr vítaspyrnu á 82. mínútu.

Ásgeir Hinrik Gíslason hleypti spennu í leikinn fyrir heimamenn rétt fyrir leikslok og náði Birkir Eydal að jafna skömmu síðar. Ásgeir Hinrik gerði svo sigurmark í uppbótartíma og fullkomnaði þannig ótrúlega endurkomu á Olísvellinum.

Markaskorarar af urslit.net