Bandaríkin og England mætast í fyrri undanúrslitaleik HM kvenna sem fer fram í Frakklandi en leikurinn hefst klukkan 19:00 og fer fram í Lyon.
Megan Rapinoe, ein af fyrirliðum bandaríska landsliðsins, er óvænt á bekknum gegn Englendingum en hún er markahæsti leikmaður mótsins ásamt Alex Morgan, Ellen White og Sam Kerr.
Hún hefur verið í lykilhlutverki hjá bandaríska liðinu en hér fyrir neðan má sjá byrjunarliðin í heild sinni. Ellen White er á sínum stað sem og Lucy Bronze.
Karen Bardsley er ekki í marki enska liðsins í dag og tekur Carly Telford stöðu hennar.
Byrjunarlið Bandaríkjanna: Naeher, O'Hara, Dahlkemper, Sauerbrunn, Dunn; Ertz, Horan, Lavelle; Heath, Morgan, Press
Byrjunarlið Englands: Telford, Bronze, Houghton, Bright, Stokes, Scott, Walsh, Daly, Parris, Mead, White
Athugasemdir