þri 02. júlí 2019 12:24
Magnús Már Einarsson
Hlynur Atli frá út tímabilið
Mynd: Fótbolti.net - Hafliði Breiðfjörð
Hlynur Atli Magnússon, fyrirliði Fram, mun ekki koma meira við sögu á þessu tímabili í Inkasso-deildinni.

Hlynur meiddist illa gegn Gróttu á dögunum og eftir rannsóknir kom í ljós að brot er í þremur hryggjaliðum.

„Ég féll harkalega á bakið eftir skallabaráttu þar sem mér fannst hann beygja sig undir mig," sagði Hlynur um meiðslin í viðtali við Fótbolta.net á dögunum.

Hlynur hafði leikið alla sjö leiki Fram í sumar áður en hann varð fyrir meiðslunum.

Fram er í 3. sæti í Inkasso-deildinni en liðið mætir Þór í tíundu umferðinni á föstudagskvöld.




Athugasemdir
banner
banner
banner
banner