Miðasala á heimaleiki Íslands í undankeppni EM 2020 sem fram fara í haust hefst klukkan 12:00 í dag. Miðasalan fer fram á Tix.is.
Hægt verður að tryggja sér miða á alla þrjá haustleikina í einum pakka og kaupandinn velur sitt sæti fyrir alla þrjá leikina. Um er að ræða þrjá heimaleiki Íslands gegn Moldóvu, heimsmeisturum Frakka, og Andorra.
Hægt verður að tryggja sér miða á alla þrjá haustleikina í einum pakka og kaupandinn velur sitt sæti fyrir alla þrjá leikina. Um er að ræða þrjá heimaleiki Íslands gegn Moldóvu, heimsmeisturum Frakka, og Andorra.
Heimaleikir Íslands í haust
Ísland - Moldóva laugardaginn 7. september kl. 16:00
Ísland - Frakkland föstudaginn 11. október kl. 18:45
Ísland - Andorra mánudaginn 14. október kl. 18:45
Ísland er í 3. sæti riðilsins með níu stig, jafn mörg stig og Tyrkland og Frakkland sem eru í 1. og 2. sæti riðilsins. Ísland hefur unnið þrjá af fyrstu fjórum leikjum sínum í riðlinum.
Íslenska landsliðið leikur fimm leiki í haust en riðlakeppnin lýkur 17. nóvember þegar Ísland heimsækir Moldóvu.
Óbreytt miðaverð
Verðsvæði A: Fullorðnir 7.500 (Börn 16 ára og yngri 50% afsláttur) = Haustleikjaverð - Þrír leikir 22.500 (barnaverð 11.250)
Verðsvæði B: Fullorðnir 5.500 (Börn 16 ára og yngri 50% afsláttur) = Haustleikjaverð - Þrír leikir 16.500 (barnaverð 8.250)
Verðsvæði C: Fullorðnir 3.500 (Börn 16 ára og yngri 50% afsláttur) = Haustleikjaverð - Þrír leikir 10.500 (barnaverð 5.250)
Eingöngu er um að ræða miðasölu á alla þrjá leikina í einum pakka að þessu sinni. Miðasala á staka leiki fer fram síðar.
Í dag kl. 12:00 verður opnað fyrir miðasölu á alla þrjá haustleiki A landsliðs karla í undankeppni EM 2020 í einum pakka. Eingöngu er um að ræða miðasölu á alla þrjá leikina saman að þessu sinni. Miðasala á staka leiki fer fram síðar. #FörumSamanáEMhttps://t.co/xSYRlfQj75 pic.twitter.com/mJcD6z6fTM
— Knattspyrnusambandið (@footballiceland) July 2, 2019
Athugasemdir