Lestu um leikinn: Ísland 1 -  0 Slóvakía

"Mér líður bara mjög vel, það var virkilega gott að klára þetta. Við vissum að þetta yrði þolinmæðisvinna og við vorum að spila vel og gott að klára þetta í seinni hálfleik."

"Mér fannst við vera að gera þetta vel. Við vorum að búa til fullt af færum í fyrri og seinni hálfleik og svona heilt yfir erum við mjög sáttar við leikinn."

"Þær voru öflugar, við vissum að þær yrðu hættulegar þegar þær kæmust í skyndisóknir og þær gerðu vel í því en mér fannst við verjast vel og leysa allt sem kom upp. Þær eru fastar fyrir og eru með hörkuleikmenn þarna inni en mér fannst við gera betur í leiknum."

Hvenær frétti Ásta að hún myndi byrja leikinn?

"Eftir æfingu daginn eftir síðasta leik þannig að ég hafði nokkra daga til að hugsa þetta og meðtaka það og undirbúa mig vel."

Hvernig upplifði Ásta eigin frammistöðu í leiknum?

"Já ég er bara heilt yfir frekar sátt. Auðvitað er alltaf hægt að gera aðeins betur en svona heilt yfir sátt með mitt í dag."

Þá er fyrstu tveimur leikjunum í undankeppninni lokið og 6 stig í hús.

"Já virkilega góð byrjun, bara geggjað verkefni síðustu daga. Markmiðið var að taka 6 stig út úr þessum leikjum og það tókst svo við erum allar mjög sáttar."

Viðtalið við Ástu má sjá í spilaranum hér að ofan.