KR steig stórt skref í átt að Íslandsmeistaratitli með 2-0 sigri á ÍA í gær. Óskar Örn Hauksson og Kristinn Jónsson skoruðu mörkin og þeir eru báðir í liði 19. umferðar hjá Fótbolta.net. Óskar hefur verið sjö sinnum í liði umferðarinnar í sumar og Kristinn sex sinnum!
FH vann mikilvægan sigur á Stjörnunni í baráttunni um Evrópusæti. Morten Beck skoraði fyrstu þrennu sumarsins og hann er í liði umferðarinnar líkt og Guðmundur Kristjánsson og Jónatan Ingi Jónsson. Ólafur Kristjánsson er þjálfari umferðarinnar.
Gary Martin afgreiddi sína gömlu félaga í Val með því að skora bæði mörk ÍBV í 2-1 sigri. Priestley Griffiths átti einnig góðan dag á miðjunni.
Andri Rafn Yeoman var maður leiksins í 4-3 sigri Breiðabliks á Fylki. Geoffrey Castillion skoraði þrennu í síðari hálfleik fyrir Fylki en það dugði ekki til.
Kári Árnason hitaði upp fyrir landsleikina sem eru framundan með tveimur mörkum í sigri Víkings á HK í Kórnum.
Vladan Djogatovic varði vítaspyrnu og var frábær í marki Grindavíkur gegn KA. Það dugði þó ekki til því Grindavík tapaði 2-0. Vladan er í liði umferðarinnar í fimmta skipti í sumar.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir