Íslenska kvennalandsliðið í knattspyrnu tók á móti Slóvakíu í undankeppni EM 2021 á Laugardalsvelli í kvöld. Ísland vann leikinn 1-0 og eru því með 6 stig eftir fyrstu tvo leikina.
Einkunnir fotbolta.net úr leik Íslands og Ungverjalands í undankeppni EM í knattspyrnu má sjá hér að neðan.
Einkunnir fotbolta.net úr leik Íslands og Ungverjalands í undankeppni EM í knattspyrnu má sjá hér að neðan.
Sandra Sigurðardóttir 7
Lítið að gera hjá Söndru í dag og hún þurfti afar sjaldan að grípa inn í. Hún var þó á tánum og tók þá bolta sem komu inn á teiginn.
Ásta Árnadóttir 6
Studdi vel við Fanndísi sóknarlega en var að klikka óþarflega mikið á einföldum sendingum, virkaði stressuð á boltanum á köflum og skilaði boltanum ekki nógu vel frá sér.
Glódís Perla Viggósdóttir 8
Með bestu mönnum vallarins í kvöld, skilaði boltanum vel frá sér og fann liðsfélaga í fætur. Flestar sóknir liðsins byrjuðu frá henni. Sterk varnarlega þegar þurfti og mætti fast í bakið á sóknarmönnum Slóvakíu. Virtist stjórna bæði vörn og sókn.
Ingibjörg Sigurðardóttir 6
Átti nokkrar klaufalegar sendingar í leiknum, sérstaklega í fyrri hálfleik. En var föst fyrir varnarlega og gaf fremstu víglínu Slóvaka engan tíma.
Hallbera Gísladóttir 7
Eins og allir vita er Hallbera með baneitraðan vinstri fót og átti þó nokkrar hættulegar fyrirgjafir hér í kvöld. Þær skiluðu hinsvegar litlu fyrir íslenska liðið og spurning hvort það hefði mátt reyna aðrar aðferðir. Ekki mikið að gera varnarlega en skilaði sínu hlutverki þegar á reyndi.
Gunnhildur Jónsdóttir 7
Allt annað að sjá til Gunnhildar í dag. Lét finna vel fyrir sér á miðjunni og dreifði boltanum og var alltaf mætt í hjálpina. Vantaði aðeins að skapa fleiri færi fram á við.
Sara Björk Gunnarsdóttir 6
Virkilega solid leikur hjá fyrirliðanum. Var ekkert sérstaklega áberandi framan af og var aðallega í því að dreifa spilinu frá miðjunni. En Sara lætur alltaf finna vel fyrir sér á miðjunni og hvetur stelpurnar áfram. Skapaði ekki mikið fram á við og valdi full oft auðveldustu sendinguna.
Fanndís Friðriksdóttir 7
Fékk sæti í byrjunarliðinu eftir flotta innkomu í síðasta leik. Var spræk í fyrri hálfleik og kom með nokkrar góðar fyrirgjafir sem liðsfélagar hennar náðu því miður ekki að nýta.
Dagný Brynjarsdóttir 6
Ágætis leikur hjá Dagnýju. Átti nokkrar flottar sendingar og kom sér í flott færi en náði ekki að koma boltanum inn að þessu sinni. Vantaði meiri kraft fram á við og inn í teignum.
Svava Rós Guðmundsdóttir 6
Fékk sæti í byrjunarliðinu eftir frábæra innkomu í síðasta leik. Var mjög lífleg framan af, hélt boltanum vel og var virkilega ákveðin. Kom sér í góðar stöður inni í teig andstæðinganna en náði ekki að nýta það.
Elín Metta Jensen 7
Elín var okkar hættulegasti maður fram á við í dag og var mjög ógnandi á köflum. Þá skoraði hún eina mark leiksins sem tryggði okkur Íslendingum stigin 3.
Varamenn
Hlín Eiríksdóttir 7
Kom inn á með krafti og djöflaðist í varnarmönnum Slóvaka.
Agla María Albertsdóttir 6
Oft sést meira til Öglu Maríu en hún náði ekki að setja svip sinn á leikinn í þetta skiptið.
Berglind Björg Þorvaldsdóttir
Spilaði of lítið til að fá einkunn.
Athugasemdir