„Það eru þrjú mikilvæg stig í boði og við ætlum að gera allt til að fá þau," sagði Margrét Lára Viðarsdóttir við Fótbolta.net um helgina.
Horfðu á viðtalið í heild í sjónvarpinu að ofan
Ísland mætir Slóvakíu í undankeppni EM 2021 í dag en liðið vann 4 - 1 sigur á Ungverjalandi á fimmtudagskvöldið.
„Ég held að þetta verði álíka leikur. Slóvakar eru hörkulið eins og austur evrópsku þjóðirnar sem eru í gríðarlegri sókn og hafa bætt sig mikið. Við verðum að vera vel á tánum ef við ætlum okkur öll þrjú stigin. Við sáum þetta á móti Ungverjum, ef við slökuðum aðeins á þá komust þær á bragðið svo við þurfum að vera klárar á mánudaginn."
Margrét Lára sleit krossband í hné fyrir EM í Hollandi 2017 og missti af undankeppni HM í kjölfarið en er núna komin í keppnisleiki að nýju.
„Maður finnur það þegar maður er tekinn svona út lengi hvað þetta gefur manni mikið og hvað er gaman að vera með stelpunum. Það skiptir mestu máli að vera inni á vellinum að spila og það gefur mér ennþá gríðarlega mikið."
Jón Þór Hauksson tók við þjálfun íslenska liðsins síðasta vetur og leikurinn á fimmtudaginn var fyrsti keppnisleikur liðsins undir hans stjórn. Margrét Lára var varamaður í leiknum en kom inná í seinni hálfleik.
„Ég er eins og aðrir varamenn, við viljum allar byrja en ég treysti Jóni Þór til að stilla upp 11 bestu leikmönnum Íslands. Hann er besti maðurinn í það og við tökum því og höldum áfram. Við erum liðsheild og allar mikilvægar í þessu og reynum að gefa af okkur eins og við getum."
Íslenska liðið er að ganga í gegnum endurnýjun og nokkrir ungir leikmenn eru í hópnum að þessu sinni.
„Það er mikið af ungum og gríðarlega efnilegum stelpum í þessu landsliði. Það er gaman að sjá hvað þær eru að bæta sig og verða betri og betri. Þetta er í heildina flottur hópur en ég held að ég sé ekkiað miðla meira en Sara, Sif eða Sandra eða hver önnur. Við erum í þessu saman og erum að hjálpast að. Þannig verður liðið best."
Leikurinn gegn Slóvakíu fer fram á Laugardalsvelli klukkan 18:45 í dag.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir