Ancelotti: Aldrei gaman þegar maður vinnur ekki
Mynd: EPA
Mynd: EPA
Real Madrid tapaði sínum fyrstu stigum á tímabilinu þegar liðið gerði 1-1 jafntefli gegn Osasuna í spænsku deildinni í kvöld.
Carlo Ancelotti stjóri liðsins hefur ekki áhyggjur af þessu og segir að liðið muni koma sterkt til baka.
„,Þetta kemur fyrir, við vorum á góðu skriði og nú reynum við að komast á annað eins skrið. Það er aldrei gaman þegar maður vinnur ekki, við erum sárir með jafntefli en við munum snúa þessu við fljótlega," sagði Ancelotti.
Liðið missti toppsætið til Barcelona en liðin eru jöfn að stigum með 19 stig eftir sjö umferðir.
Næsti leikur Real er gegn Shakhtar á heimavelli í 3. umferð riðlakeppni Meistaradeildarinnar á miðvikudaginn.
