Norski framherjinn Erling Braut Haaland er að taka ensku úrvalsdeildina með stormi. Hann skoraði þrennu þriðja heimaleikinn í röð í 6-3 sigri Manchester City á Manchester United í grannaslag á Etihad í dag.
Haaland skoraði fyrstu tvö mörk sín í fyrri hálfleiknum áður en hann gerði þriðja markið um miðjan síðari hálfleikinn.
Þetta var þriðji heimaleikurinn í röð sem Haaland skorar þrennu fyrir Man City.
Hann er sá eini í sögu úrvalsdeildarinnar til að ná þessum áfanga en Haaland er að leika sér að andstæðingum sínum í byrjun tímabilsins.
Haaland er með 14 deildarmörk í 8 leikjum og er á góðri leið með að stórbæta markametið. Andy Cole og Alan Shearer skoruðu báðir 34 mörk í 42 leikja deild, en Mohamed Salah á metið í 38 leikja deild þar sem hann gerði 32 mörk á sínu fyrsta tímabili með Liverpool.
1 - Erling Haaland is the first player in Premier League history to score a hat-trick in three consecutive home games in the competition. Monster. pic.twitter.com/Iys0rdu4ey
— OptaJoe (@OptaJoe) October 2, 2022
Athugasemdir