Andri Fannar Baldursson var ekki í leikmannahópi Bologna sem tók á móti Inter í ítalska boltanum í dag.

Staðan var markalaus eftir jafnan fyrri hálfleik og kom Roberto Soriano heimamönnum yfir í síðari hálfleik.

Romelu Lukaku jafnaði á 75. mínútu og gerði svo sigurmark í uppbótartíma úr vítaspyrnu sem Lautaro Martinez fiskaði.

Þetta eru afar mikilvæg stig fyrir Inter, sem er með tveggja stiga forystu á Juventus í toppbaráttunni. Juve á nágrannaslag við Torino í kvöld og getur endurheimt toppsætið.