Þrjú efstu lið norsku B-deildarinnar áttu öll leiki í dag og komu Íslendingar við sögu í þeim öllum. Í dag fór fram næstsíðasta umferð norska deildartímabilsins.
Sandefjord gulltryggði sæti sitt í efstu deild með 1-0 sigri á Jerv. Viðar Ari Jónsson og Emil Pálsson voru báðir í byrjunarliði Sandefjord.
Álasund var löngu búið að tryggja sér toppsæti deildarinnar en vann engu að síðar Nest-Sötra í lokaumferðinni.
Daníel Leó Grétarsson og Davíð Kristján Ólafsson voru í byrjunarliði Álasundar og kom Hólmbert Aron Friðjónsson inn af bekknum.
Start lenti þá undir gegn Ull/Kisa en sneri stöðunni við og skóp sigurinn þökk sé tvennu frá Martin Ramsland.
Start er því fast í þriðja sæti deildarinnar og mun taka þátt í umspilskeppni um síðasta lausa sætið í efstu deild.
Aron Sigurðarson lék allan leikinn í liði Start.
Sandefjord 1 - 0 Jerv
1-0 Rufo Herraiz ('54)
Nest-Sötra 0 - 1 Ålesund
0-1 Niklas Castro ('84)
Start 2 - 1 Ull/Kisa
0-1 Kristoffer Hansen ('30)
1-1 Martin Ramsland ('37)
2-1 Martin Ramsland ('92)
Athugasemdir