Union Berlin 1 - 0 Hertha Berlin
1-0 Sebastian Polter ('90, víti)
1-0 Sebastian Polter ('90, víti)
Union Berlin vann fyrsta Berlínarslaginn í þýsku Búndeslígunni er liðið mætti Hertha Berlin í dag.
Union var betri aðilinn allan leikinn og fékk urmul færa en inn vildi boltinn ekki.
Það þurfti vítaspyrnu á 90. mínútu til að útkljá leikinn. Sebastian Polter skoraði úr spyrnunni sem var dæmd eftir glæfralega tæklingu innan vítateigs.
Union Berlin er að spila í fyrsta sinn í efstu deild og er með tíu stig eftir tíu umferðir, einu stigi eftir Hertha.
Mikil stemning var á leiknum og þurfti að stöðva hann í nokkrar mínútur í upphafi síðari hálfleiks vegna gífurlega mikils reyks sem kom úr blysum stuðningsmanna.
Athugasemdir