Schalke vill endilega halda í Goretzka og er tilbúið að gera hann að launahæsta leikmanni í sögu félagsins. En enn sem komið er hefur Goretzka ekki viljað skrifa undir nýjan samning. Talið er að hann muni ákveða framtíð sína á meðan vetrarfríið í Þýskalandi er.

Goretzka þykir fjölhæfur en hann getur leyst stöður inn á miðjum vellinum sem og út á kanti.

Hann á 12 landsleiki fyrir Þýskalandi og í þeim hefur hann skorað sex mörk. Goretzka var einn besti leikmaður Álfukeppninnar sem haldin var í Rússlandi í sumar.

Goretzka hefur einnig verið orðaður við Juventus, Barcelona, Tottenham Arsenal, sem og Bayern München. Það verður spennandi að sjá hvar hann lendir, hvort hann verði áfram í herbúðum Schalke eða rói á önnur mið og prófi eitthvað annað.