Dagurinn var ekki góður á skrifstofunni hjá tvímenningunum í Rússlandi og Ólafi Inga Skúlasyni í Tyrklandi.
Moskvu-liðin Dinamo og Lokomotiv báru sigur úr býtum gegn Íslendingaliðunum Rostov og Rubin Kazan. Sverrir Ingi Ingason spilaði allar 90 mínúturnar hjá Rostov í 2-0 tapi gegn Dinamo Moskvu og Ragnar Sigurðsson var ónotaður varamaður hjá Rubin Kazan sem þurfti að sætta sig við 1-0 tap gegn Lokomotiv Moskvu.
Rostov vann síðasta leik eftir langa bið eftir sigri; í dag þurfti liðið að sætta sig við enn eitt tapið. Rostov er í tíunda sæti rússnesku deildarinnar en Rubin Kazan er í 12. sætinu. Rubin Kazan hefur gengið herfilega í undanförnum leikjum.
Í Tyrklandi eru Ólafur Ingi og félagar í Kardemir Karabükspor við botninn. Liðið tapaði 1-0 gegn Göztepe á heimavelli í dag og er ásamt Gençlerbirliği með átta stig eftir 14 leiki.
Ólafur Ingi var ónotaður varamaður í dag, hann sat allan tímann á varamannabekknum.
Hér að neðan eru úrslitin og markaskorarar.
Rússland
Dinamo Moskva 2 - 0 Rostov
1-0 Fatos Bećiraj ('42)
2-0 Aleksandr Tashaev ('45)
Lokomotiv Moskva 1 - 0 Rubin Kazan
1-0 Jefferson Farfán ('87)
Rautt spjald: Cesar Navas, Rubin Kazan ('80)
Tyrkland
Kardemir Karabükspor 0 - 1 Göztepe
0-1 Adis Jahovic ('58)
Athugasemdir