KR vann Val í úrslitaleik Reykjavíkurmótsins í kvöld. Fótbolti.net spjallaði við Rúnar Kristinsson, þjálfara KR, eftir leikinn.
„Að mínu mati var þetta mjög góður leikur og það var frábært að spila hann við þessar aðstæður. Þetta voru kjöraðstæður. Hraðinn í leiknum er þrefalt meiri en í Egilshöll. Við getum orðið betri í fótbolta ef við spilum við þessar aðstæður. Gæðin í leiknum verða meiri," segir Rúnar.
Talað hefur verið um áhuga KR á Tryggva Hrafni Haraldssyni, sóknarmanni ÍA. Rúnar var spurður út í það.
„Við settum okkur í samband við þrjú félög varðandi leikmenn. Það gekk ekki eftir og því höfum við ekki bætt við okkur. Ég ætla ekki að tjá mig um einstaka leikmenn."
Í viðtalinu sem sjá má að ofan tjáir hann sig nánar um leikinn í kvöld, meiðslavandræði KR og leikmannahópinn.
Athugasemdir