Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   fös 03. febrúar 2023 15:54
Guðmundur Aðalsteinn Ásgeirsson
Laugardalsvöllur
Sér ekki eftir fríinu í nóvember - Heimslistinn spilaði inn í
Icelandair
Þorsteinn Halldórsson, landsliðsþjálfari.
Þorsteinn Halldórsson, landsliðsþjálfari.
Mynd: Fótbolti.net - Hafliði Breiðfjörð
Eftir leikinn á móti Portúgal í nóvember síðastliðnum.
Eftir leikinn á móti Portúgal í nóvember síðastliðnum.
Mynd: Fótbolti.net - Jónína Guðjörg Guðbjartsdóttir
'Ég hugsa að ég hafi ekki verið rosalega skemmtilegur maður í nokkrar vikur'
'Ég hugsa að ég hafi ekki verið rosalega skemmtilegur maður í nokkrar vikur'
Mynd: Fótbolti.net - Jónína Guðjörg Guðbjartsdóttir
Mynd: Fótbolti.net - Jónína Guðjörg Guðbjartsdóttir
„Mér líst vel á þetta mót, þetta eru fínir andstæðingar og þetta verður hörkumót," segir Þorsteinn Halldórsson, landsliðsþjálfari, um Pinatar mótið sem fer fram síðar í þessum mánuði.

Landsliðsþjálfararnir tilkynntu í dag hópinn sem tekur þátt í þessu verkefni.

Það eru nokkar breytingar frá síðasta hóp. Cecilía Rán Rúnarsdóttir og Karólína Lea Vilhjálmsdóttir, sem leika með þýska stórveldinu Bayern München, snúa til baka úr meiðslum en þær misstu báðar af síðustu tveimur gluggum.

„Auðvitað skiptir það máli að lykilleikmenn eins og Karólína komi til baka. Vonandi verður hún heil í framhaldinu. Við þurfum að fara sparlega með hana. Við getum ekki látið hana spila 90 mínútur í þrjá leiki. Við þurfum að hugsa um það hvernig við getum notað hana í þessu verkefni."

Sjá einnig:
„Það var í raun ekkert sem ég gat gert til að breyta því"

Síðasta ár vonbrigði
Steini sagði frá því á fréttamannafundinum í Laugardal að það hefði verið högg að ná ekki markmiðum sínum á síðasta ári en liðið komst ekki upp úr riðli sínum á Evrópumótinu og mistókst að komast á heimsmeistaramótið í kjölfarið. Hann sagði að það væri ekki að breyta núna en það væri hægt að hafa áhrif á framtíðina með því að gera hlutina betur.

Liðið fékk mikla gagnrýni eftir umspilið fyrir HM þar sem liðið tapaði gegn Portúgal. Fannst honum gagnrýnin að einhverju leyti ósanngjörn?

„Nei, alls ekki. Það er hægt að gagnrýna mann fyrir ýmislegt, það er partur af þessu. Ég les ekki helminginn af þessu og veit því ekki nákvæmlega hvaða gagnrýni þú ert að tala um," sagði Steini.

„Margt af því sem ég sá var réttlætanlegt en sumt af þessu finnst mér óttalegt bull."

Var erfitt að jafna sig á tapinu gegn Portúgal?

„Já, að sjálfsögðu. Það tók tíma. Ég hugsa að ég hafi ekki verið rosalega skemmtilegur maður í nokkrar vikur."

Engir leikir spilaðir í nóvember
Það hefur verið nokkuð gagnrýnt að það hafi verið tekin ákvörðun um það að spila ekki leiki í alþjóðlegum glugga í nóvember síðastliðnum. Það var ákveðið að gefa frí og voru leikmenn á Íslandi valdir til æfinga í staðinn.

Þetta hefur verið gagnrýnt af leikmönnum sem spila erlendis en hafa fengið fá tækifæri með landsliðinu. Horfir Steini til baka og sér eftir því að hafa tekið leiki í nóvember?

„Nei, ég er alveg sannfærður um að það hafi verið gott fyrir hópinn að sleppa því að fara í verkefni á þessum tíma. Leikmenn voru búnir að eiga langt ár... þetta var fínt andlega fyrir hópinn. Svo kemur grein í byrjun árs núna þar sem verið er að fjalla um álag á leikmönnum eftir stórmót. Ég er 100 prósent viss um að fyrir hópinn sem var að spila hafi þetta verið gott," segir Steini.

„Svo er hægt að ræða um það hvort við hefðum átt að velja einhvern annan hóp og spila á honum en það var ekkert sem ég vildi gera. Mér fannst það ekki rétt á þeim tímapunkti. Við þurftum aðeins að anda og byrja svo aftur á fullu í febrúar, byrja upp á nýtt."

Steini var spurður frekar út í það af hverju það hafi ekki verið rétt að velja öðruvísi hóp og gefa þá leikmönnum sem höfðu verið að spila mikið þá frí í því verkefni. „Mér fannst það bara ekki vera góður tímapunktur fyrir alla sem eru í kringum þetta líka og fyrir hópinn. Ég hefði ekki valið 23 nýja leikmenn. Ég hefði ekki viljað fara með lið sem væri slakara að því leyti til að við værum til dæmis að falla niður á öllum listum og þannig. Við þurfum líka að horfa í svoleiðis hluti. Það er partur af því."

Ísland er núna í 16. sæti á heimslista FIFA en listinn er mikilvægur upp á það þegar dregið er í riðla fyrir undankeppnir og fleira. Leikir í alþjóðlegum gluggum spila inn í fyrir heimslistann.

Hægt er að hlusta á allt viðtalið hér fyrir ofan en þar er hann spurður út í ýmislegt fleira.
Athugasemdir
banner
banner
banner