Spánn: De Jong og Pedri meiddust báðir í bragðdaufum leik

Athletic Bilbao og Barcelona gerðu markalaust jafntefli í bragðdaufum leik í La Liga á Spáni í kvöld en leikurinn fór fram í Bilbao.

Bæði lið gáfu fá færi á sig og varð leikurinn frekar bragðdaufum af þeim sökum.

Hollenski miðjumaðurinn Frenkie de Jong meiddist illa á ökkla eftir rúmar tuttugu mínútur og þurfti því að fara af velli, en fimm mínútum síðar átti Joao Cancelo ágætis tilraun af löngu færi sem Unai Simon varði.

Pedri, sem er lykilmaður í liði Barcelona eins og De Jong, meiddist undir lok hálfleiksins og þurfti einnig að fara af velli. Þeir tveir bætast því meiðslalista Barcelona sem er orðinn heldur langur, en Ferran Torres, Gavi og Alejandro Balde eru allir frá.

Í síðari hálfleiknum vildu Börsungar fá vítaspyrnu eftir að Lamine Yamal var tekinn niður í teignum, en ekkert dæmt og mun Xavi, þjálfari Barcelona, væntanlega ræða það frekar eftir leikinn.

Athletic fékk eitt gott færi til að ná í sigurinn fyrir heimamenn er Dani Garcia skallaði boltann, en hann rataði ekki á markið og lokatölur því 0-0.

Barcelona fékk þarna gullið tækifæri til að saxa á forystu Real Madrid á toppnum og um leið koma sér í annað sætið, en sættir sig við að vera áfram í 3. sæti með 58 stig, átta stigum frá toppnum. Athletic er í 5. sæti með 50 stig.