Brasilíski framherjinn Neymar hefur bæst í hóp þeirra stórstjarna sem leggja góðgerðarstarfsemi lið í baráttunni gegn kórónuveirunni með styrkjum.
Lionel Messi, Cristiano Ronaldo og Kylian Mbappe eru meðal þeirra ofurstjarna sem hafa gefið vænar upphæðir til hinna ýmsu góðgerðarstofnanna eða í sumum tilfellum beint til heilbrigðisyfirvalda og spítala.
Neymar gaf tæplega 900 þúsund evrur til UNICEF í Brasilíu og góðgerðarsamtaka sem listamaðurinn Luciano Huck setti á laggirnar.
Stórstjarnan framkvæmdi þetta í upphafi vikunnar en gerði það hljóðalaust. Brasilíska fréttakonan Chris Flores greindi frá þessu í gær eftir að kollegar hennar höfðu fengið veður af gjörðum Neymar og rannsakað málið.
Neymar leikur fyrir Paris Saint-Germain og er meðal launahæstu knattspyrnumanna heims. Hann er 28 ára gamall og á 101 landsleik að baki fyrir Brasilíu.
Athugasemdir