Higuain hefur verið hjá fjölskyldu sinni í Argentínu undanfarnar vikur og gæti flutt aftur til heimalandsins þegar samningur hans við Juventus rennur út á næsta ári.

„Þetta er hans ákvörðun og við vonum það besta. Eins og staðan er í dag þá vill hann virða samning sinn við Juve, við munum skoða stöðuna betur þegar nær dregur," sagði Enzo Francescoli, yfirmaður íþróttamála hjá River og fyrrum leikmaður Cagliari og Torino.

„Það er mikilvægt fyrir okkur að leikmaður eins og Gonzalo vilji koma aftur og spila fyrir uppeldisfélagið. Það er alltaf gaman þegar goðsögn hjá félaginu langar að koma aftur og klæðast treyjunni á ný.

„Hann er gríðarlega mikilvægur fyrir okkur. Hann ólst upp hérna og pabbi hans spilaði líka fyrir River."