Sane var nálægt því að ganga í raðir Bayern síðasta sumar áður en hann meiddist á hné en þýska félagið ætlar að reyna aftur við hann í sumar.

Manchester City vill 88 milljón punda fyrir hann en Heynckes, sem vann þrennuna með Bayern árið 2013, segir að Sane sé ekki þess virði.

„Hann hefur ekki tekið skrefið í að verða alger topp leikmaður að mínu mati. Hann er þessi leikmaður sem er á krossgötum. Mun hann halda áfram að reyna að bæta sig eða verður hann bara afar hæfileikaríkur leikmaður?" sagði og spurði Heynckes.

„Hann verður að vera tilbúinn í að taka næsta stóra skrefið því það gengur ekkert að sýna snilli sína bara af og til. Mér finnst verðmiðinn á honum ekki réttlætanlegur," sagði hann í lokin.