Ítalska ríkisstjórnin er búin að skipta um skoðun enn eina ferðina og tilkynnti í dag að ítölsk knattspyrnufélög mega opna æfingasvæði sín og byrja að æfa strax á morgun.
Þau mega þó ekki æfa með hefðbundnum hætti, heldur eru aðeins leyfðar einstaklingsæfingar.
Ef allt gengur vel mun næsta þrepi vera hrint í framkvæmd mánudaginn 18. maí og þá gætu félög byrjað að æfa með hefðbundnara sniði.
28 þúsund manns hafa látið lífið vegna kórónuveirunnar á Ítalíu og eru um 2000 ný smit greind daglega.
Stefnt er að hefja leik í Serie A í seinni hluta júní.
Athugasemdir
