Pepsi Max-deild kvenna byrjar að rúlla núna á morgun. Spennan er gríðarleg.
Það var hitað vel upp á Heimavellinum. Aníta Lísa, knattspyrnuþjálfari, og Karólína Jack, leikmaður Fylkis, mættu á Heimavöllinn í lokaupphitun fyrir deildina.
Þær fengu spurninguna hvaða fimm leikmenn yrðu bestar í deildinni í sumar.
„Þetta var erfitt. Við erum búin að missa margar landsliðskonur í atvinnumennsku. Það er auðveldast að setja þetta á Elínu Mettu og Öglu Maríu. Maður setur kröfu á þær," sagði Aníta Lísa og bætti við:
„Maður trúir því að Natasha (Moraa Anasi) verði einnig frábær."
„Ég held að (Áslaug) Munda komi líka sterk þarna inn. Bryndís (Arna Níelsdóttir) í Fylki líka. Hún er ótrúlega góð í fótbolta," sagði Karólína en Bryndís er fædd 2003.
Hægt er að hlusta á allan þáttinn hér að neðan.
Athugasemdir