Snyrtimennska Japanska landsliðsins hefur verið til umfjöllunar eftir svekkjandi 3-2 tap liðsins gegn Belgíu í 16-liða úrslitum HM í gær.
Þrátt fyrir vonbrigðin skildu leikmenn og starsfmenn við klefann eins og nýjan eftir leikinn í Rostov í gær.
Þorgrímur Þráinsson, starfsmaður íslenska landsliðsins, birtir í dag skemmtilega færslu á Facebook.
Þar sýnir Þorgrímur myndirnar úr sama klefa í Rostov fyrir viku síðan, eftir leik Íslands og Króatíu.
Snyrtimennskan er einnig upp á 10 hjá íslenska landsliðinu eins og sjá má á meðfylgjandi mynd og færslu frá Þorgrími.
„Landsliðið skilur svona við búningsklefa eftir leiki, hvort sem það sigrar eða tapar," segir Þorgrímur.
Athugasemdir