England er komið áfram í 8-liða úrslitin á Heimsmeistaramótinu í Rússlandi eftir sigur á Kólumbíu í kvöld. Leikurinn fór alla leið í vítaspyrnukeppni.

Leikurinn var mikil barátta og átti dómarinn í nógu að snúast. Mikið var kvartað og veinað og fékk fótboltinn ekki almennilega að njóta sín oft á tíðum.
Endaði leikurinn í vítaspyrnukeppni og tókst Englendinum loksins að sigra í slíkri keppnni á stórmóti og niðurstaðan, Englendingar eru komnir áfram í 8 liða úrslitin.

Harry Kane var valinn maður leiksins og má sjá viðtal við hann í lok leiks í spilaranum hér að ofan.