Leicester er að kaupa framherjann Ayoze Perez frá Newcastle á 30 milljónir punda.
Perez verður dýrasti leikmaðurinn í sögu Leicester en fyrra metið er frá því árið 2016 þegar Islam Slimani kom frá Sporting Lisabon á 29 milljónir punda.
Hinn 25 ára gamli Perez á eftir að standast læknisskoðun og semja um kaup og kjör áður en skiptin ganga í gegn.
Perez kom til Newcastle frá Tenerife árið 2014 á einungis 1,6 milljón punda en ferill hans hefur legið mikið upp á við síðan þá.
Á síðasta tímabili skoraði Perez tólf mörk í ensku úrvalsdeildinni með Newcastle.
Athugasemdir