Valur - Breiðablik klukkan 19:15 í kvöld
„Það er mikil spenna. Tvö efstu liðin að mætast sem bæði spila skemmtilegan fótbolta," sagði Fanndís Friðriksdóttir, leikmaður Vals, við Fótbolta.net en liðið mætir Breiðabliki í toppbaráttuslag í Pepsi Max-deildinni í kvöld.
Bæði lið hafa unnið alla sjö leiki sína í sumar og má búast við hörkuleik í kvöld. Hver er lykillinn að sigri að mati Fanndísar?
„Það er það sama og fyrir alla leiki, allt þetta týpíska, grunnhlutirnir þurfa að vera í lagi. Bæði lið hafa leikmenn innanborðs sem refsa fyrir mistök, það lið sem gerir færri mistök vinnur."
Fanndís lék um árabil með Breiðabliki og mætir því gömlum félögum í kvöld.
„Ég er mest spennt fyrir því að mæta góðu fótbolta liði sem spilar góðan fótbolta það er bara bónus að það sé mitt gamla lið," sagði Fanndís en hún er ekki hissa á því að Valur og Breiðablik hafi stungið önnur lið af í deildinni.
„Nei það kemur mér ekki beint á óvart að þetta séu tvö efstu liðin, margir landsliðsmenn í báðum liðum en við höfum sé það að hin liðin geta vel staðið í okkur sem og Breiðablik. "
Flautað verður til leiks klukkan 19:15 í kvöld og Fanndís vonast eftir góðri mætingu. „Ég býst ekki við neinu öðru en það verði fullt af fólki á leiknum, það er búið að tala mikið um leikinn og margir spenntir fyrir leiknum," sagði Fanndís að lokum.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir