Félög frá Þýskalandi, Grikklandi, Tyrklandi og Króatíu hafa sýnt áhuga á að fá Guðmund Þórarinsson í sínar raðir samkvæmt heimildum Fótbolta.net.
Guðmundur er á sínu þriðja tímabili með Norrköping í Svíþjóð en þar hefur hann verið í lykilhlutverki.
Þessi 26 ára gamli leikmaður missti einungis af einum leik á síðasta tímabili þegar Norrköping endaði í 2. sæti í sænsku úrvalsdeildinni.
Á síðasta tímabili var Guðmundur vængbakvörður hjá Norrköping en í ár hefur hann verið á miðjunni.
Guðmundur er uppalinn Selfyssingur en hann á fimm A-landsleiki að baki.
Athugasemdir