Mark Alexöndru kom á 88. mínútu og er smá rangstöðulykt af markinu.

„BLIKAR ERU BÚNAR AÐ JAFNA. Karólína Lea með sendingu á Alexöndru á fjærstönginni sem klárar af öryggi. Rangstöðulykt af þessu marki," skrifaði Helga Katrín Jónsdóttir í beinni textalýsingu frá leiknum.

Hvernig sjá dómarinn & aðstoðardómari ekki þessa rangstöðu í jöfnunarmarki Blika?
Blikinn kemur inná völlinn til að leika knettinum. #PepsiMaxDeildin pic.twitter.com/2xCpu5idZn

— Gummi Ben (@GummiBen) July 3, 2019

Í myndbrotinu sem Guðmundur Benediktsson setti inn á Twitter síðu sína sést að Sólveig Jóhannesdóttir Larsen potar boltanum á Áslaugu Mundu Gunnlaugsdóttur sem er utan vallar þegar sendingin er gefin, hún kemur inn á völlinn og snertir hann. Í kjölfarið skorar svo Alexandra jöfnunarmarkið.

Fanndís Friðriksdóttir, leikmaður Vals, var ekki kát með þetta atriði og tjáði sig í viðtali eftir leikinn í kvöld.

„Glórulaus dómgæsla hérna í restina. Hún stendur útaf og kemur inn á völlinn og er væntanlega kolrangstæð. Ég skil ekki hvernig línuvörðurinn gat ekki séð það," sagði Fanndís í viðtali eftir leikinn í kvöld.

Valur og Breiðablik eru nú bæði með 22 stig á toppi deildarinnar að átta umferðum loknum, hjá toppliðunum í það minnsta. Stöðuna í deildinni má sjá hér að neðan. ATH: Það getur tekið tíma fyrir töfluna að uppfæra sig.