Kylian Mbappe verður áfram en hvað með Neymar?
Franski framherjinn Kylian Mbappe er ekki á leið frá Paris Saint-Germain í sumar en hann virtist gefa það til kynna á Twitter í gær.
Mbappe er tvítugur og er tvímælalaust einn besti knattspyrnumaður heims nú þegar en hann er lykilmaður í liði PSG og franska landsliðsins.
Spænsk blöð hafa þó verið að orða hann við Real Madrid og þá hefur enska úrvalsdeildarfélagið Liverpool komið inn í umræðuna en hann fer ekkert í sumar.
Það má þó búast við einhverjum hreyfingum næsta sumar en Real Madrid virðist vera að undirbúa risatilboð í hann og er talið að félagið hafi unnið að því í einhvern tíma.
Hann ákvað þó að slökkva í orðrómunum sem eru í gangi í sumar og virtist staðfesti þátttöku sína með PSG á komandi tímabili með færslu á Twitter þar sem hann auglýsir treyju félagsins.
ICI C’EST PARIS 19/20 🔴🔵 @PSG_inside pic.twitter.com/diGY7fksve
— Kylian Mbappé (@KMbappe) July 2, 2019
Athugasemdir
