Danski framherjinn Patrick Pedersen er kominn með leikheimild með Val og verður löglegur þegar liðið fær KA í heimsókn í Pepsi Max-deildinni annað kvöld.
Patrick gerði fjögurra ára samning við Val fyrr í vikunni en hann samdi við félagið í þriðja skipti á ferlinum eftir dvöl hjá Sheirff í Moldavíu undanfarna mánuði.
„Ég kem alltaf aftur. Ég kann vel við félagið og allt í kringum það. Ég kann vel við leikmennina og leikstílinn svo ég kem alltaf aftur," sagði Patrick í spalli við Ragnar Vignir á Facebook síðu Vals.
Patrick á magnaðan feril að baki með Val en hann hefur skorað 47 mörk í 72 leikjum síðan hann kom fyrst til félagsins árið 2013.
Í fyrrasumar var Patrick besti leikmaður Pepsi-deildarinnar en hann skoraði sautján mörk þegar Valur varð Íslandsmeistari.
Patrick er mættur í Draumaliðsdeild Eyjabita. Kemst hann í þitt lið?.
12. umferð Pepsi Max-deildarinnar er ansi dreifð:
fimmtudagur 4. júlí
18:00 Valur-KA (Origo völlurinn)
föstudagur 5. júlí
19:15 Stjarnan-Grindavík (Samsung völlurinn)
laugardagur 6. júlí
14:00 ÍA-Fylkir (Norðurálsvöllurinn)
16:00 ÍBV-KR (Hásteinsvöllur)
sunnudagur 7. júlí
19:15 Breiðablik-HK (Kópavogsvöllur)
mánudagur 8. júlí
19:15 FH-Víkingur R. (Kaplakrikavöllur)
Athugasemdir