Daníel Leó Grétarsson.
„Þetta kom mér á óvart. Ég átti ekki von á þessu. Það var eintóm gleði og ánægja sem tók við," sagði Daníel Leó Grétarsson, varnarmaður Álasund, við Fótbolta.net í dag en hann var í gær kallaður inn í íslenska landsliðshópinn fyrir komandi leiki gegn Moldavíu og Albaníu.
Daníel Leó var valinn í hópinn eftir að Sverrir Ingi Ingason ákvað að draga sig út.
Daníel Leó var valinn í hópinn eftir að Sverrir Ingi Ingason ákvað að draga sig út.
Daníel hefur verið fimm sinnum í liði umferðarinnar í norsku B-deildinni á þessu tímabili en Íslendingaliðið Álasund með þægilegt forskot á toppi deildarinnar.
„Við klúðruðum þessu í fyrra og lærðum af þeirri reynslu. Við fórum í umspil í fyrra á móti Stabæk þar sem við töpuðum. Markmiðið í ár er klárlega að klára þetta og vinna deildina," sagði Daníel sem kann vel við sig hjá Álasund.
„Ég er á fimmta ári þarna og er ánægður þarna. Auðvitað tekur maður stöðuna eftir hvert tímabil og skoðar stöðuna."
Hér að ofan má sjá viðtalið í heild sinni en þar ræðir Daníel meðal annars um Íslendingana hjá Álasund og fallbaráttuna sem er í gangi hjá uppeldisfélaginu Grindavík.
Athugasemdir
