Jón Guðni Fjóluson og félagar hjá rússneska félaginu Krasnodar gerðu sér lítið fyrir og slógu út stórlið Porto í Meistaradeildinni í síðasta mánuði.
„Þetta var mjög stórt og mjög skemmtilegt. Það voru fáir sem bjuggust við þessu því þeir hafa verið fastagestir í Meistaradeildinni. Menn voru mjög stoltir og kannski of hátt uppi eftir það," sagði Jón Guðni við Fótbolta.net í dag.
Krasnodar mætti Olympiakos í umspili um sæti í riðlakeppni Meistaradeildarinnar en þar datt liðið úr leik eftir 4-0 tap í Grikklandi.
„Eftir að hafa slegið út Porto var fílingurinn þannig að við gætum farið í gegnum þá líka en við eyðilögðum þetta sjálfir með síðasta korterinu í Grikklandi."
Jón Guðni kom til Krasnodar frá Norrköping í Svíþjóð í fyrra.„Þetta er mjög stór klúbbur sem hefur verið á toppnum í Rússlandi síðustu ár og náð í úrslit í Evrópu. Mér hefur líkað mjög vel," sagði Jón Guðni.
Hér að ofan má sjá viðtalið í heild sinni en þar ræðir Jón Guðni einnig um landsleikina sem eru framundan gegn Moldavíu og Albaníu.
Athugasemdir