„Við vorum alveg skelfilegir í þessum leik. Það var bara eins og við værum allir í krummfæti frá a til ö. Mörkin sem við fáum á okkur eru ógeðslega léleg úr útsparki og svo eftir fyrirgjöf þar sem við erum allir fyrir aftan boltann en enginn að dekka, “ Voru fyrstu orð Brynjars Gestssonar eða Binna eins og hann er kallaður eftir 2-0 tap Þróttar Vogum sem hann þjálfara gegn Þór í Vogum í dag.
Lestu um leikinn: Þróttur V. 0 - 2 Þór
Þróttarar voru langt frá sínu besta í dag og var margt í leik þeirra sem betur mátti fara, Lélegar sendingar að kosta auk þess sem leikur liðsins var hægur og nokkuð auðvelt fyrir gestina að hafa hemil á þeim.
„Þetta var bara hallærislegt og maður hálf skammaðist sín að horfa upp á þetta. Eǵ er orðlaus yfir þessu þetta er svo skrýtið. Á síðasta þriðjungi vorum við oft komnir í ágætar stöður þótt ótrúlegt megi virðast en síðasta sendingin var alltaf hreint skelfileg og við erum bara asnalegir allir sem einn.“
Fréttaritara var hugleikin ástæða þess hvers vegna liðsmenn Þŕóttar væru svona þungir á sér í leik dagsins og og spurði því Brynjar hvort Ástarmánuðurinn sem Þróttur stendur fyrir hefði haft áhrif og hvort leikmenn hefðu mögulega hafið mánuðinn af of miklum krafti heima fyrir. Brynjar sem er annálaður húmoristi greip boltann á lofti og olli engum vonbrigðum með svari sínu.
„Það gæti alveg verið. Ég ætla þá að vona að þeir hafi verið á baki en ekki með hann í lúkunum.“
Sagði Brynjar en viðtalið allt sem fer um víðan völl má sjá í spilaranum hér að ofan.
Athugasemdir
