Everton 0 - 0 Liverpool
Fyrsti leikur dagsins í ensku úrvalsdeildinni var grannaslagurinn í Liverpool borg en þar mættust Everton og Liverpool á Goodison Park.
Fyrri hálfleikurinn einkenndist af hörku og framan af litu fá færi dagsins ljós. Everton átti í fullu tré við Liverpool og voru heimamenn síst lakari aðilinn í fyrri hálfleiknum.
Bæði lið skutu í tréverkin en Tom Davis, miðjumaður Everton átti þá utanfótar snuddu sem endaði ofarlega á stönginni. Hann fékk boltann inn í teig Liverpool og átti flotta tilraun en inn vildi boltinn ekki.
Liverpool tók við sér þegar leið á hálfleikinn og átti liðið tvö skot í tréverkið undir lok fyrri hálfleiksins.
Það fyrra átti Darwin Nunez en hann átti þá gott skot sem Jordan Pickford varði vel í slánna.
Í kjölfarið fékk Luis Diaz boltann og átti hann skot sem hafði smá viðkomu í varnarmanni og hafnaði í stönginni, varnarlaus Pickford beið bara og vonaði alveg eins og Allison Becker í skotinu hans Davis.
Staðan marklaus í hálfleik en það vantaði svo sannarlega ekki færin í þeim síðar.
Konstantinos Tsimikas komst nálægt því að skora á 49. mínútu leiksins en hann skaut þá yfir úr mjög góðu færi eftir þunga sókn gestanna. Stuttu síðar átti Neil Maupay, sem var að spila sinn fyrsta leik fyrir Everton, tilraun með bakfallsspyrnu en boltinn fór yfir markið.
Bæði lið sóttu til skiptis og áttu fín færi. Fabinho var nálægt því að skora á 65. mínútu en Pickford varði vel. Everton fór þá í sókn og fékk Maupay algjört dauðafæri, hann var einn gegn Alisson sem gerði sig breiðan og varði frábærlega.
Everton hélt að það hefði náð forystunni tuttugu mínútum fyrir leikslok þegar Conor Coady skoraði af stuttu færi en eftir að VAR skoðaði atvikið varð niðurstaðan rangstæða.
Dwight McNeil kom inn á og átti hann skemmtilega tilraun sjö mínútum fyrir leikslok sem Allison varði mjög vel og sló yfir markið.
Roberto Firmino, sem kom inn á sem varamaður, komst í ágætis færi undir lok leiks en Pickford var sem fyrr vel á tánum og varði skotið til hliðar.
Í fjórða skiptið í leikum var skotið í tréverkið og gerðist það á fimmtu mínútu uppbótartímans. Mohamed Salah átti þá skot á nærstöngina sem Pickford varði í stöngina út.
Ekkert var því skorað á Goodison Park og er þetta því fjórða jafnteflið í röð hjá Everton sem á enn eftir að vinna leik.
Liverpool er með níu stig eftir sex leiki.
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 28 | 20 | 4 | 4 | 70 | 24 | +46 | 64 |
2 | Liverpool | 28 | 19 | 7 | 2 | 65 | 26 | +39 | 64 |
3 | Man City | 28 | 19 | 6 | 3 | 63 | 28 | +35 | 63 |
4 | Aston Villa | 29 | 17 | 5 | 7 | 60 | 42 | +18 | 56 |
5 | Tottenham | 28 | 16 | 5 | 7 | 59 | 42 | +17 | 53 |
6 | Man Utd | 28 | 15 | 2 | 11 | 39 | 39 | 0 | 47 |
7 | West Ham | 29 | 12 | 8 | 9 | 46 | 50 | -4 | 44 |
8 | Brighton | 28 | 11 | 9 | 8 | 50 | 44 | +6 | 42 |
9 | Wolves | 28 | 12 | 5 | 11 | 42 | 44 | -2 | 41 |
10 | Newcastle | 28 | 12 | 4 | 12 | 59 | 48 | +11 | 40 |
11 | Chelsea | 27 | 11 | 6 | 10 | 47 | 45 | +2 | 39 |
12 | Fulham | 29 | 11 | 5 | 13 | 43 | 44 | -1 | 38 |
13 | Bournemouth | 28 | 9 | 8 | 11 | 41 | 52 | -11 | 35 |
14 | Crystal Palace | 28 | 7 | 8 | 13 | 33 | 48 | -15 | 29 |
15 | Brentford | 29 | 7 | 5 | 17 | 41 | 54 | -13 | 26 |
16 | Everton | 28 | 8 | 7 | 13 | 29 | 39 | -10 | 25 |
17 | Luton | 29 | 5 | 7 | 17 | 42 | 60 | -18 | 22 |
18 | Nott. Forest | 29 | 6 | 7 | 16 | 35 | 51 | -16 | 21 |
19 | Burnley | 29 | 4 | 5 | 20 | 29 | 63 | -34 | 17 |
20 | Sheffield Utd | 28 | 3 | 5 | 20 | 24 | 74 | -50 | 14 |